SvövuHeimar

ný síða

Fri, 18 Aug 2006 19:18:10 GMT

:lol: soldið feimin sko - er að smíða aðra bloggsíðu

En skrítið ég kemst ekki á hana í mömmu tölvu

Annars er slóðin: svavaing.spaces.live.com 8|

Látið mig vita ef þið komist á hana!!

sing

Klukkun í gangi - ekki klikkun

Sun, 06 Aug 2006 12:31:21 GMT

Ég var klukkuð

Hefur þú...

(x) reykt sígarettu
( ) klesst bíl vinar/vinkonu
( ) stolið bíl
(x) verið ástfangin/n
(x) verið sagt upp af kærasta/kærustu
(x) verið rekin/n
(x) lent í slagsmálum
(x) læðst út meðan þú bjóst ennþá heima hjá foreldrunum.
(x) haft tilfinningar til einhvers sem endurgalt þær ekki
( ) verið handtekin/n
(x) farið á blint stefnumót
(x) logið að vini/vinkonu- því miður
(x) skrópað í skólanum
(x) horft á einhvern deyja
( ) farið til Canada
( ) farið til Mexico
(x) ferðast í flugvél
( ) kveikt í þér viljandi
( ) borðað sushi
( ) farið á sjóskíði
(x)farið á skíði

(x) hitt einhvern sem þú kynntist á internetinu
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x) haldið kaffiboð
(x) flogið flugdreka
( ) byggt sandkastala
(x) hoppað í pollum
( ) hoppað í laufblaðahrúgu
(x) rennt þér á sleða
(x) svindlað í leik
(x) verið einmanna
(x) sofnað í vinnunni/skólanum
( ) notað falsað skilríki
(x) horft á sólarlagið
(x) fundið jarðskjálfta
(x) sofið undir berum himni (ef tjald telst með!)
(x) verið kitluð/kitlaður
(x) verið rænd/rændur
(x) verið misskilin/n
( ) klappað hreindýri/geit/kengúru
(x) farið yfir á rauðu ljósi/virt stöðvunaskyldu að vettugi
( ) verið rekin/n eða vísað úr skóla
( ) lent í bílslysi
( ) verið með spangir/góm
(x) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi
(x) fengið deja vu
( ) dansað í tunglskininu
(x) fundist þú líta vel út
( ) verið vitni að glæp.
(x) efast um að hjartað segði þér rétt til
(x) verið gagntekin/n af post-it miðum
(x) leikið þér berfætt/ur í drullunni
(x) verið týnd/ur (meira að segja nýlega)
(x) synt í sjónum
(x) fundist þú vera að deyja
(x) grátið þig í svefn
(x) farið í löggu og bófa leik (með Einari Erni minnir mig)
( ) litað nýlega með trélitum
(x) sungið í kariókí

(x) borgað fyrir máltíð eingöngu með smápeningum
(x) gert eitthvað sem þú lofaðir sjálfri/sjálfum þér að gera ekki?
(x) hringt símahrekk
( ) hlegið þannig að gosið frussaðist út um nefið á þér? Nei en ég lét Jónu gera það.
(x) stungið út tungunni til að ná snjókorni
(x) dansað í rigningunni
(x) skrifað bréf til jólasveinsins
( ) verið kysst/ur undir mistilteini
( ) horft á sólarupprásina með einhverjum sem þér þykir vænt um
(x) blásið sápukúlur
( ) kveikt bál á ströndinni
(x) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta
(x) hefur einhver óska þinna ræst
( ) fariðí fallhlífastökk... (nei, en ég hef stokkið teyjustökk)

(x) hefur einhver haldið óvænt boð fyrir þig... iðjuþjálfunin mín var einstök þegar ég átti afmæli :D

Ég klukka á Jónu Mariu, Björn Inga og Berglindi Nönnu :!:

geðdeild en ekki frí til Reykjavíkur

Sun, 06 Aug 2006 11:40:17 GMT

Ég var að koma af geðdeildinni, búin að eiga frábært sumar - mjög góðan tíma án veikinda. Fyrir 2 vikum örlaði á smá veikindum. Ég fór að heyra raddir aftur og gera skrítna hluti, s.s. að taka eldhúsklukkuna á stofugólfið og raða kertum í kring.

Og ég hugsaði "ohh, ég nenni þessu ekki eina ferðina enn, ég fer bara suður þá batnar allt" Svo ég fór suður daginn eftir..

Ég man að ég átti góðan tíma með Laylu vinkonu. En svo fór ég að labba og labba og það var svo kalt, var bara á hlýrabol í rigningunni og vissi ekkert í minn haus - var alveg skíthrædd.

Svo einhvernveginn var ég stödd á geðdeildinni.. ekki búin að vera á geðdeild lengi og treysti ekki þessu fólki, svo ég neitaði að taka lyfin. Úff þetta er svo erfitt, var svo þreytt. Vildi bara labba..

Ég var með hjartadrottninguna í hendi mér - ég var hún, já ég hélt ég væri hún. og skrapaði veggina með henni - æi þetta var erfiður og furðulegur tími bara :whut:

Ég man að raddirnar urðu meira kræfari, og létu mig skrifa það sem þau voru að segja. Skipanir og leiðandi setningar. æi ég ætla bara eiga þetta fyrir mig, þetta rugl sem meikaði svo sens.

Ég er orðin svo hundleið á geðveikinni, svo leið. Langar að lifa eðlilegu lífi með engum röddum og engum sýnum og lifa bara í 1num heimi. En ég get ekki sagt geðveikinni upp eða selt hana.

Ég held að fólk hefði gott af því að prófa að vera ég í 1 dag! :D

sing

Kleppur again..

Sun, 09 Apr 2006 17:19:34 GMT

Hæ

Ég hef það fínt bara en hvar er Dagný, sakna commentana hennar ??8) Ég veit eiginlega ekki hvað ég á að segja en vildi bara segja ykkur að ég hefði það bara fínt núna ;) Ég er að hugsa um eitt ákveðið sem ég er stundum soldið spennt yfir en ég er ekki viss um það svo ég ætla ekkert að vera tala mikið um það.

Ég heyrði í systur pabba í dag sem var í starfsnámi á Kleppi á deild 13 - hún hefði ekki viljað sleppa því að kynnast geðinu. Ath. hún var á sömu deild og ég var á fyrir stuttu síðan. Anyway henni leist vel á deildina..

bæ

sing

Væmni kaflinn..

Sat, 08 Apr 2006 00:08:01 GMT

Veeeiii - ég er búin að endurheimta tilfinningarnar mínar aftur!!!

Nú er ég á svo fáum lyfjum að ég get grátið ef ég sé einhvað fallegt eða hlegið og fundist margt vera fyndið og skemmtilegt. Nei það er ekki alltaf sorg hjá mér... bara að horfa á idol úrslitunum fékk röddina til að bresta, og ..hvernig á ég að útskýra það, æi þegar brjóstkassinn titrar eða með ekka eða einhvað.

Þetta gerist einmitt líka þegar ég horfi á litlu krílin á skjá 1. Ég fer næstum því að gráta. Það er svo gott að geta verið viðkvæm aftur og hafa dýrmætu tilfinningarnar mínar sem gegna svo miklu hlutverki í mínu lífi - bara til að halda geðheilsu og annað :cry:

Nú er ég hrikalega væmin en þið völduð að ég mundi halda áfram svo þið verðið bara að þola þetta.

En pælið í því að frá því að vera frosin tilfinningalega vegna lyfja, finna ekki til gleði né sorgar - sem gæti oft miskilist hjá okkur geðklofunum, þegar við bregðumst kannski öðruvísi við áföllum eða einhverju sem snetir okkur, bregðumst á þann hátt að annað fólk skilur okkur ekki.

Takk - þið hafið fengið mig til að brosa, hlæja og sjá veröldina á allt annan hátt en áður :D

sing

Einmanna með fólki

Thu, 06 Apr 2006 23:22:19 GMT

Hafið þið orðið einmanna með fólki? Það er hægt og schizar þekkja það mæta vel. Það er bara hreinlega þannig að maður nær ekki til fólksins sem maður er með... eða þá að fólkið nær ekki til manns. Það er fúlt. Maður nær ekki að nýta sér félagskap. Eins og þegar maður reynir að losna undan miðju símtali að því að maður er svo hræddur um að segja einhvað vitlaust eða einhvað sem er ekki viðeigandi við ákv. samræður. Maður dettur stundum bara út, veit ekki hvað viðkomandi er að segja eða þá hvað maður sjálfur var að segja.. og segir þá einhvað alveg út í hött.

Maður er alveg drulluhræddur að þetta gerist. já, maður er orðin svo einrænn að maður getur ekki nýtt sér samskipti sem bjóðast. Ég Hata gjörsamlega þennan sjúkdóm sem stjórnar öllu - ég berst og berst við að hafa stjórnina en hann hefur hana alltof oft. Ég heyrði aðeins raddir í dag en sjómennirnir með fiskana í netinu (steingerfingarnir) veifuðu mér meðan ég þaut framhjá í dag. Þessir skemmtilegu karlar úr steini munu alltaf þýða einhvað fyrir mig, alltaf sýna þeir með einhvað skemmtilegt, einhverndaginn á góðviðrisdegi mun ég kíkja á skiltið og sjá fyrir hvað þeir standa þarna. Varla eru þeir þarna fyrir mig :haha:

Svo er eitt sem er einkennið að maður er lítið fyrir aðra gefin og þegar maður er svona er hann einmanna. Maður skiptir sér ekki að öðrum og er ekkert að pæla í öðru fólki - kannski af því að það er svo mikið af háværu fólki í höfðinu á manni. Svo það tekur rosa á þegar maður reynir að fylgjast með annara lífi - æ þið vitið, afmæli, barnsfæðingar, fermingar, veikindi og þess háttar.

sing

Aftakaveður á ísafirði

Thu, 06 Apr 2006 12:23:28 GMT

Það var aftakaveður hérna í gær - það var hundfúlt - frekar sorry svona, það var stutt á milli hláturs og gráturs hjá mér, læst inni því annars hefði ég orðið úti :lol:

það er alveg ótrúlegt að þegar tónlistin stoppar þá stoppa ég, furðulegt.

Nú er ég að bíða eftir nýrri liðveislu sem kemur á eftir. Nei var að hringja, er veik. Svona er að búa í samfélagi en ekki í eigin heimi. Raddirnar segja ekki " nei ég er veik" - nei ég má ekki fara að lofa óraunveruleikann, það er hreinlega bara hættulegt. Þetta er nú í lagi - það kemur önnur til að halda mér hérna megin.

Ég er að hlusta á Katie Melua - hún er frábær alveg..

jæja - bæ

sing

I wanna fly

Tue, 04 Apr 2006 12:22:07 GMT

Ég ætla aftur að setja hérna inn ljoð sem ég gerði fyrir þá sem hafa ekki séð það en linkurinn virkar ekki strax hérna til hliðar en ég hlít að breyta því.

Svona líður mér þegar ég er að vekjast af geðklofanum:

I wanna fly

That feeling is so good, in my beautiful world - just skip the meds and fly. .live in my dreamworld. why wount u let me - I feel great there. I can´t speak to you - because I don´t hear you while I am there.

Every time I go there - you seem so scared -every time I end up in hospital- not knowing anything why I am there. Don´t be scared - it´s so beautiful there , please let me go...

cancelað hættinu

Tue, 04 Apr 2006 12:12:13 GMT

jæja jæja, ég skal hugsa málið aftur.

Málið er að þegar mér líður illa eins og í síðustu viku þá held ég að ég sé á allra vörum en eins og núna líður mér vel og þá er mér nokkuð sama hvað fólk segir um mig 8|

ég skrópaði til iðjuþjálfans í dag óvart, hélt að ég ætti að mæta á morgun - byrjunarörðugleikar á vestrinu villta.

Þegar mér leið svona illa í síðustu viku þá heyrði ég engar raddir - spáðu í því, ég hef ekki heyrt raddir lengi... kannski af því að Guðfinnur tók mig af öllum þessum róandi lyfjum, ég hef lítið farið inn í óraunveruleikann undanfarið. En ég sé oft sýnir, ekki eins oft.. kannski er þetta bara gott tímabil - sem ég á að njóta. Ég reyni að njóta líðandi stundar ef hún er þá góð, en stundum hrópa ég upp "ég læt ekki bjóða mér þetta!!!" þegar líðandi stund er djöfulleg. En það gerðist í síðustu viku.

jú - ég skal halda áfram, en þá verðið þið að commenta og taka tillit til þess að stundum get ég bara ekki bloggað vegna paranoju. En samt er alveg yndislegt að fá svona góð viðbrögð 8)

sing

Blogginu hætt..

Mon, 03 Apr 2006 15:02:23 GMT

Ég hef tekið þá ákvörðun að hætta að blogga. En aldrei að vita að ég byrji aftur á því. Ég bý bara í svo litlu samfélagi að það er bara ekki hægt að blogga - er svo paranoid (en það er stór partur af sjúkdómnum) að ég farin að halda að ég sé á allra vörum :$

Ég er orðin aðeins hressari - það er allavena komin annar og skemmtilegri svipur á mig. En ég fór rosalega langt niður í þetta skiptið - enda tók Guðfinnur mig af þunglyndislyfinu. Þunglyndi er annar partur að geðklofa.

Þeir sem vilja geta hringt í mig eða heilsað mér út á götu - ég hefði gaman af því :D

Jæja hvað finnst ykkur um þessar fréttir???!!

sing

Hræðilegasta vika ever

Sat, 01 Apr 2006 23:53:30 GMT

sorry guys - ég veit ég hef ekkert bloggað, líðan mín er búin að vera really poor síðustu viku. Er að drepast hreinlega úr einmannaleika. Þegar maður er svona mikið einn þá fer maður í sjálfvorkunnarpakkann - þið vitið.. ég hef alltaf verið félagslega furðuleg... þannig er það enn með mig, bara í verra mæli. Ég á bara mjög erfitt með að sækja mér félagskap - so please be cammó with me.. :haha:

já þetta er alveg satt - ég hef verið með jarðarfara svip á mér síðan ég kom að sunnan - búin að vera ásamt öðru fólki í næstum 2 mánuði og kem svo heim í íbúðina - alein. Ætli ég verði ekki bara að búa ásamt fleiri geðveikum bara - svo ég geti þrifist almennilega :$

Ég er hjá mömmu og pabba núna - það bjargaði mér alveg núna, að hitta fólk, en um leið og það er of mikið af fólki er ég farin en samt vann ég sigur í dag...ég fór á meðal fólks.. fór á árshátíð grunnskólans í Bolungavík. Ef ég lendi í aðstæðum þar sem ég þarf að tala mikið þá er ég farin þegar mér líður svona.

Svo þegar einhverjar umræður byrja þá skil ég þær ekki - eins og það sé verið að tala hebresku - eins og ég sé frá einhverri allt annari vídd. Svo ég þegi bara - það gæti nebbla verið að ef ég byrjaði að tala að þá muni enginn skilja mig, eins og ég sé að tala kínversku.

Svo fór ég lítið út fyrir dyr þessa viku vegna víðáttufælnina sem minnir oft á sig. Eins og hvað mig langaði oft á Langa manga bara til að sjá fólk - gat það hreinlega bara ekki.

já já svona er það..

sing

komin heim með blómin

Mon, 27 Mar 2006 18:19:06 GMT

Ég er eins og í leiðslu, það hafa allir fréttir um hvað ég sé frábær eftir meðferðina, vona bara að ég valdi ekki neinum vonbrigðum. Já ég sagðist vera eins og í leiðslu, ég er varla að trúa því að ég sé komin heim. Á föstudaginn var ég á flugvellinum frá 8.30 - tvö með allt mitt hafurtask, úff hvað það var þreytandi- svo er það fljúgið, já það var hopp og hí og tralalla - þið vitið hvað ég meina. Flugfreyjan spurði á leiðinni út, "plönturnar hafa lifað þetta af?" En þá átti ég eftir að fara með þær í óveðrið fyrir vestan - jú jú, það sést á þeim en þær eru sprelllifandi í dag. Þessar 3 eru kleppara plönturnar mínar :D já ég hef soldið gaman af blómum og bara öllum flottum gróðri.

Ég átti góða helgi með fjölskyldunni, en það vantar alltaf einhvað þegar Sigga systir og Bóas (hundurinn) er ekki. Bóas á núna heima hjá pabba sínum. En Sigga er orðin Keflvíkingur eða sko hún flutti þangað. Aðstæður eru bara alltaf að breytast. Það átti engin von á því að ég kæmi vestur aftur :haha:

Það verður bara að viðurkennast að ég er hálf ringluð og búin að vera það alla helgina. Búin að sofa eins og brjálaðingur. Fór í ræktina í dag og í viðtal og varð sjókarl þegar ég var komin heim. Það er kolvitlaust veður hér, blinda snjór. Jæja mánudagshópurinn er næst á dagskrá

seeyou

sing

Felalla !

Thu, 23 Mar 2006 18:17:46 GMT

Allt klappað og klárt í flug á morgun - verð náttla klifjuð í vélinni - með 3 plöntur með mér m.a. Flestir búnir að knúsa mig og kyssa, láta mig fara með allskonar veganesti út í lífið. já já ég er orðin bjartsýnni en fyrst með heimferðina. Það eru góðar líkur á að önnur liðveisla taki við af hinni sem hætti. Búin að láta hersveitina vita að drottningin er væntaleg á svæðið :P Þetta verður bara fínt, gott að komast heim ;) Ég kom hingað 30. jan og útskrifast á morgun. See you...

sing

Útskrift af Kleppi

Wed, 22 Mar 2006 14:17:08 GMT

Jæja - þá er bara að útskrifast - já þú last rétt, ég útskrifast héðan á föstudag. Ég kvíði því, ég á erfitt með breytingar, loksins þegar allt fer að ganga vel þá er manni kastað út - en ég var svo sem búin að fá mig fullsadda að vera hér á Kleppi, farin að þrá rúmið mitt og sængina mína, tölvuna mína, já og heimilið allt. En margar kvíðaspurningar vakna við þessar aðstæður ss. hvernig á þetta eftir að ganga? Hvernig ætla ég að höndla kvöldin? Ég verð bara að viðurkenna það - ég er skíthrædd við lífið:!: En ég á það til að gera úlfalda úr mýflugu, kannski er ég að því núna. En samt, þetta er ástæðan fyrir því að ég gefst upp - ég reyni svo mikið að standa mig vel að ég spring, aftur og aftur. Hvernig haldiði eiginlega að sé að reyna að funkera í 2 heimum samtímis?? Af hverju verða allir svo hissa þegar ég spring? Þið heyrið það að nú er ég í samfelldu kvíðakasti - bara út af þessari mýflugu druslu.

Ég hlakka til að koma heim á ísó en kvíður líka mikið fyrir :^)

sing

Málþing um hag geðsjúkra

Sun, 19 Mar 2006 16:07:24 GMT

Ég var á málþingi um hag geðsjúkra í dag.. það hjálpatæki sem hefur hjálpað mér mest í gegnum þessi veikindi eru iðjuþjálfar, en það var ekki minnst á þann faghóp, ekki einu orði.. ég væri miklu verr stödd ef ég hefði aldrei kynnst þeim. Þeir kenndu mér að finna minn styrkleik, bera virðingu fyrir sjálfri mér á ný og kenndu mér að nota tímann í einhvað skemmtilegt í staðin fyrir að vera í eilifðri sjálfsvorkunn. Þegar ég lærði að bera virðingu fyrir sjálfri mér og öllu því sem fylgir mér eignaðist ég von á ný og draumar mínir vöknuðu. Þess vegna ber ég virðingu fyrir iðjuþjálfum - því þeir eru lifesafers.. Þeir hafa trú á manni og smita þá trú til okkar.

Ég er sammála því að liðveitendur þurfa að fá hærri laun, enda eru þau í krefjandi starfi. Sem dæmi má nefna var einn liðveitandi minn sem hætti vegna þess að hún fékk hærri laun annarstaðar. Þannig að í dag hef ég ekki félagslega liðveislu sem kemur mér úr einangrun.

Ég mundi vilja að það væri starfsmaður á launum allan sólahringin þar sem maður getur hringt og hann komið ef einhvað væri að og gæti þá gefið sér tíma í að spjalla. Því oft lagast hlutirnir ef maður getur talað um þá. Ef maður geymir þá með sjálfum sér þá hleður það utan á sig og springur - ég í geðrofsástandi send suður. You know what I mean :!:

Hjartað fór náttla að hamast þarna inn í mér - langaði svo að segja þessa hluti, en gerði það ekki því lokst þegar ég fékk kraft til þess þá var ég of sein :^) Svo ég blogga bara um þá hér :lol: Hefði viljað sjá fleiri notendur geðheilbrigðiskerfisins þarna og hefði viljað að fagfólk hefði gefið notendum meira tækifæri til að standa upp og tjá sig. Við höfum margt að segja, þetta snýst jú um okkur.

sing